8 March, 2025

সজাগতা সভা আৰু বিনামূলীয়া স্বাস্থ্য পৰীক্ষা শিবিৰ

৮ মাৰ্চ তাৰিখে কৰুণাধাৰাৰ গুৱাহাটী মহানগৰ সহায়ক সমিতিৰ উদ্যোগত আৰু আৰু জি এন আৰ চি, গুৱাহাটীৰ সহযোগত গুৱাহাটীৰ নিকটৱৰ্তী চপাইদাং জনজাতি ৰূপালী সংঘৰ খেলপথাৰত এখন সজাগতা সভা আৰু বিনামূলীয়া স্বাস্থ্য পৰীক্ষা শিবিৰ অনুষ্ঠিত হয় ।উল্লেখযোগ্য যে দিব্যাংগ সকলৰ বাবে নিৰ্মাণ হ'বলগীয়া প্ৰস্তাৱিত আশ্ৰয়গৃহৰ দুবিঘা মাটি চৰকাৰে চপাইদং অঞ্চলত আবণ্টন দিছে । সজাগতা সভাখনত সভাপতিত্ব কৰে মহানগৰ সহায়ক সমিতিৰ সভাপতি শ্ৰী ৰাণা ভূঞাই। সভাত কৰুণাধাৰাৰ বিষয়ে দুআষাৰ কয় ন্যাসৰ উপসভানেত্ৰী শ্ৰীমতী নিলীমা গোস্বামীয়ে আৰু সম্পাদক শ্ৰী নৱজ্যোতি ভূঞাই । ন্যাসৰ সদস্য তথা বিশিষ্ট চিকিৎসক ডা: অঞ্জন জ্যোতি চৌধুৰীয়ে চমু বক্তব্যৰ লগতে " মানুহে মানুহৰ বাবে " গীতটি পৰিবেশন কৰি সকলোকে আপ্লুত কৰে । অনুষ্ঠানটিৰ আঁত ধৰে মহানগৰ সমিতিৰ সম্পাদক মানৱজ্যোতি দাসে । উক্ত সভাত প্ৰস্তাৱিত আশ্ৰয়গৃহ নিৰ্মাণৰ বাবে শ্ৰী অমৰজ্যোতি মহন্তই ডেৰ লাখ টকা বৰঙণি হিচাবে আগবঢ়ায় । আজিৰ বিনামূলীয়া স্বাস্থ্য পৰীক্ষা শিবিৰত প্ৰায় এশ ৰোগীৰ স্বাস্থ্য পৰীক্ষা কৰি বিধান দিয়াৰ লগতে বিনামূলীয়া ঔষধ বিতৰণ কৰা হয় ।

Sahayak Committee